Svarfaðardalsá er 44 km frá Akureyri, 412 km frá Reykjavík. Aðgengi er gott á flesta veiðistaði.

Ánni er skipt niður í 5 veiðisvæði og er veitt á 2 stangir á hverju svæði.

Svæði 1 er frá heitavatnslögn, sem liggur yfir ána og rétt upp fyrir bæinn Skáldalæk - um 4 km langt.
Svæði 2 nær upp að gamla brúarstæðinu, þar sem Hofsá rennur í Svarfaðardalsá - um 4 km langt.
Svæði 3 nær frá gamla brúarstæðinu þar sem Hofsá rennur í Svarfaðardalsá og upp að ármótum - um 4 km langt.
Svæði 4 er Skíðadalsáin frá ármótum við Svarfaðardalsá og inn á móts við bæinn Klængshól - rúmir 12 km að lengd.
Svæði 5 er Svarfaðardalsáin frá ármótum við Skíðadalsá og inn að bænum Koti - rúmir 10 km að lengd.

Frá 20. júní til og með 19. ágúst er veiðitími á öllum svæðum árinnar frá kl. 7:00–13:00 og síðari vakt frá kl. 16:00–22:00.

Frá 20. ágúst til og með 10. september er einungis veitt á svæðum 1, 2 og 3. Þá er veiðitími frá kl. 7:00–13:00 og síðari vakt frá kl. 15:00–21:00.

Svæði 4 og 5 eru lokuð fyrir allri veiði frá og með 20. ágúst.

Leyfilegt agn er fluga, maðkur og spúnn.

Kvóti er á bleikjuveiði og mega veiðimenn hirða að hámarki tvær bleikjur á hverja stöng fyrir hvern hálfan dag á öllum svæðum árinnar. Mælst er til þess að öllum vænum bleikjum, t.d. yfir 45 cm, sé sleppt.

Veiðimenn skulu hafa auga með því hvort bleikjur séu merktar við bakugga. Slíkum fiskum skal undantekningarlaust sleppt.

Þessar takmarkanir eiga ekki við um aðrar tegundir.

Ekki er veiðihús við ánna en góðir gistimöguleikar í nágrenninu.

Sýna ber tillitssemi og aka ekki utan vegslóða til að komast að ánni, akið ekki yfir tún og gróið land.

Gangið vel um og skiljið ekkert eftir nema sporin.

Veiðikort fylgir með rafrænu veiðileyfi en einnig má nálgast kort af ánni hér: Svarfaðardalsá - Veiðikort 

Veiðileyfi fást ekki endurgreidd. Kaupandi skuldbindur sig til að skrá alla veiði í rafræna veiðibók á vef Stangveiðifélags Akureyrar.