Ólafsfjarðará rennur til Ólafsfjarðarvatns í Ólafsfirði.Hún á upptök austast á Lágheiðinni og í fjalllendinu beggja vegna dalsins. Ólafsfjarðará er 5 km löng dragá sem er nánast alltaf tær,fremur nett og meðalvatnsmikil, frekar lygn neðantil en straumharðari ofantil.
SVAK gerði nýjan leigusaming við Veiðifélag Ólafsfjarðar í mars 2023 og gildir sá samningur til ársins 2027. Áður var áin í leigu SVAK og Flugunnar. Í nýja samningnum er lögð áhersla á hóflega veiði og öflugri skráningu á afla. Veiðimenn fá áminningu í tölvupósti um að skrá afla sinn ef skráningu vantar og þeir veiðimenn sem skrá samviskusamlega fara í lukkupott þs nokkrir heppnir einstaklingar er dregnir út í lok tímabils og fá að launum stöng/stangir í Fjarðará. Kvóti er á bleikjuveiði bæði í ánni og vatninu og veiðivarsla verður efld.
Í Ólafsfjarðará veiðist aðallega sjóbleikja sem er 35-45 sm og eitthvað af urriða. Auk þess veiðast alltaf 2-4 laxar á hverju sumri.
Aðgengi að ánni er gott og hægt að vera á fólksbílum.
Ólafsfjarðará er skipt í tvö svæði,efra og neðra.
ATH: Efri mörk efra svæðis munu færast aðeins neðar fyrir veiðitímabilið 2026. Breyting á veiðikorti þessu tengt er í vinnslu og skilti munu verða sett upp beggja vegna árinnar um þessi nýju svæðamörk. Þessar breytingar eru gerðar til að koma í veg fyrir veiði í fossinum en veiði í Hólsfossi er stranglega bönnuð og til að vernda hrygningarbleikjuna. Kort af ánni mun því ekki fylgja veiðileyfum en hægt er að nálgast þau á heimasíðu í nýrri útgáfu áður en veiðitímabilið helst. Upprunalegt kort mun vera á heimasíðu þangað til.
Svæðamörk neðra svæðis eru óbreytt, sjá kort af neðra svæði.
Veiðifyrirkomulag:
Veitt er frá 15.júlí til 20 september. Landeigendur hafa þriðjudaga til eigin ráðstöfunar.
Veitt er á tvær stangir á efra svæði fyrri vaktina og á neðra svæði seinni vaktina og öfugt. Svæðaskipti eru á vaktaskiptum.
Veiðitími er frá kl 07:00 til 13:00 og 16:00 til 22:00 en eftir 10. ágúst er seinni vakt frá 15:00 til 21:00.
Kvóti á bleikjuveiði er 5 fiskar á stöng/dag og ekki heimilt að færa hann á milli stanga eða á milli daga. Þegar kvóta er náð er eingöngu leyfð fluguveiði og skal þá allri bleikju sleppt. Einnig biðlum við til veiðimanna árinnar að sleppa allri bleikju sem er yfir 45 sm.
Leyfilegt agn: Fluga og maðkur
Ekkert veiðihús er við ána en gistingu má finna víða í Fjallabyggð.
Allur akstur utanslóða og á túnum er stranglega bannaður .
Veiðiverðir
Úlfar Agnarsson s. 7781544
Hólmar Hákon Óðinsson s.6956381
Veiðikort ( ný útgáfa af efra svæði er í vinnslu) má sækja hér
Alla veiði á að færa í rafræna veiðibók Ólafsfjarðarár á Svak.is.
