28 ágú. 2009
Nýjar aflatölur
Eins og sjá má í töflunni hér að neðan þá heldur Ytri Rangá efsta sætinu yfir aflahæstu ár landsins það sem af er sumri. Það er ekki að sjá að nein á komi til með að ógna Ytri Rangá í baráttunni um fyrsta sætið þetta árið.
Árnar á norðurlandi eru margar að standa sig vel, má þar nefna Miðfjarðará sem er í öðru sæti, Blöndu sem er í fjórða sæti og síðast en ekki síst Laxá á Ásum sem aflahæsta áin á landinu miðað við stangarfjölda. Laxá í Aðaldal virðist vera að vakna eftir nokkur mögur ár og útlit fyrir að hún fari yfir 1000 laxa þetta sumarið.
Norðurá virðast hafa komist eitthvað af stað eftir rigningar í vikunni sem leið.
Samkvæmt upplýsinum frá leiðsögumanni í Langá á Mýrum er áin full af fiski en það hefur gengið brösulega að fá hann til að taka. Þaraleginn lax er að ganga inn í ánna þessa dagana og því virðist sem eðlishvötin hafi tekið yfir skynsemi laxanna sem ekki hafa þolinmæði til að bíða mikið lengur eftir góðri dembu á Mýrum. Þetta segir okkur það að lax hefur beðið í margar vikur í sjónum við ósa Langár eftir því að vatnsborð árinnar hækki. Hressileg rigning á þessum slóðum ætti því að skila vatni í ánna og þar með miklum kipp í veiðina.
Í töflunni hér að neðan má sjá 35 aflahæstu árnar það sem af er sumri.
Tafla tekin af angling.is
Myndin er úr Þverá/Kjarrá.
Mynd tekin af spordur.is
JÁG
Til baka
