Það er einnig frábær gangur í Víðidalnum en hollin í síðustu viku voru að landa 40-50 löxum á dag og hefur verið þó nokkuð af vænum 85-94 cm fiski. Laxá á Ásum er að eiga sitt besta ár í langan tíma og er áin full af laxi. Hafa nú þegar veiðst 600 laxar á stangirnar tvær.
Blandan er óstöðvandi þessa dagana og fer að detta í 2000 laxa á næstu dögum. Eins og sjá má á myndinni hér að neðan vantar enn mikið upp á að áin fari á yfirfall og mokveiðin heldur áfram á meðan. Má því gera ráð fyrir frábærum lokatölum úr ánni þetta árið.
Tekið af agn.is
JÁG
