Það má með sanni segja að henni Guðrún Kristófersdóttir hafi tekist að fanga augnablikið þegar hún náði þessari flottu mynd af stökkvandi sjóbleikju á svæði 5a í Hörgá síðastliðinn sunnudag. Nú þegar Ólympíuleikarnir eru í hámarki, spyr maður sig hvað þessi bleikja hefði fengið mörg stig fyrir hæð og stökkstíl.
Sjóbleikjan í Hörgá fer langt uppá dal til að hrygna og hún þarf að yfirstíga ýmsar hindranir á leið sinni þangað. Fossinn fyrir ofan Bægisárhyl er t.d ekki alltaf greiðfær og þess vegna safnast oft mikið af bleikju í Bægisárhylnum en hann er einn af vinsælastu veiðistöðum í ánni.
.jpg)
