Fréttir

27 júl. 2008

Laxá í Aðaldal: Drottning með flotta endurkomu

Laxá í Aðaldal er miklu betri í sumar heldur en í fyrra. Munar þar miklu og er vissulega útlit fyrir því að áin skili miklu, miklu betri veiði en í fyrra.

Þá er það altalað hversu mögnuð meðalvigtin er í sumar þó að það kunni að breytast með vaxandi smálaxagöngum nú síðsumars. Á miðvikudagskvöld voru komnir 288 laxar úr ánni.


288 laxar er 179 löxum meiri veiði heldur en á sama tíma í fyrra. Þessar tölur eru af vef LV, www.angling.is og eru því traustar og réttar. Vikuveiði til miðvikudagskvölds í Laxá var 112 laxar. Heildarveiðin í fyrra var 1.055 og er sú tala í hættu í ár. Það hefur auðvitað orðið mikil breyting á veiðifyrirkomulagi í Laxá. Mönnum þótti tími til kominn að gera eitthvað þar sem áin var á hraðri niðurleið. Nú er aðeins veitt á flugu og öllu sleppt í nánast allri ánni. Hvort sem að það er að skila þessum bata eða betri skilyrði í lífríkinu skiptir ekki öllu máli, það er bara gaman að fá Laxá aftur í gang.

Við heyrðum í Ríkharði Hjálmarssyni, einum af mörgum tíðindamönnum okkar í vikunni, en hann var þá nýkominn úr Laxá. Ríkharður sagði: „Ég var að koma af ættarmóti úr Aðaldal og skruppum við í einn dag á svæði 5 og 6 sem eru Hagabakka. Fengum við 2 laxa, hæng 95 cm og hrygnu 80 cm. Það fer ekki á milli mála að sá gamli hafi kennt guttanum sitthvað á sínum tíma og hafi jafn gaman af. Bróðir pabba hann Pétur í Fornhaga var staddur á hinum bakkanum, nánar tiltekið á Stíflunni, þegar ég þreytti hænginn og hélt allan tíman að sá gamli hefði sett í laxinn og landað en ekki ég. Hann þrætir enn! Svo líkir erum við feðgar við veiðar og ekki leiðum að líkjast. Ég steig mín fyrstu skref í veiðinni með Pabba og voru laxar af þessari stærð ekki fréttir í þá daga heldur bara þokkaleg veiði. Annarstók ég lax með mér í dalinn sem ég veiddií Ytri Rangá til að leyfa þeim bræðrum að smakka Því lax er ekki drepin þar í dag og þykir mörgum það súrt. En ég held að þeim takist að komast yfir það þegar Drottninginn fer að sína sitt rétta andlit eins og hún tók á móti okkur. Sá stóri tók black sheep nr. 12 og tók roku niður í ræsi eins og þeir gera flestir að þessari stærð og þá er nauðsinlegt að vera fljótur uppúr ánni þegar þeir taka og hlaupa eins og andskotinn á eftir þeim því maður ræður fjandakornið ekkert við þá.“

Á myndnni hér að ofan er Ríkharður að sleppa hængnum stóra, en Hjálmar pabbi hans er til halds og trausts. Ríkharður baðst forláts á myndgæðunum, en sagði hana tekna á gsm-síma því betri græjan hafi verið í bílnum á hinum bakkanum. Ríkharður á þó mynd af laxinum þó frekar slök sé, allt of oft í sumar höfum við á VoV frétt af veiðimönnum sem hafa verið að sleppa sínum stærstu löxum á ferlinum hafandi gleymt myndavélinni heima, uppi í bíl, eða í veiðihúsinu. Myndavél er orðin jafn mikilvæg og rotarinn var forðum, er það var lenska að drepa þessa stóru fiska.

Tekið af Vötn og Veiði

BHA

Til baka

Veiðileyfi

Hörgá
23.7.2019
Svæði 2 fyrir hádegi
Verð: 6.000 kr. - Stangir: 2
23.7.2019
Svæði 3 fyrir hádegi
Verð: 6.000 kr. - Stangir: 2
23.7.2019
Svæði 4b fyrir hádegi
Verð: 6.000 kr. - Stangir: 2

Laxá - Hraun
23.7.2019
1 stöng á efra svæði fyrir hádegi
Verð: 7.500 kr. - Stangir: 1
23.7.2019
1 stöng á neðra svæði fyrir hádegi
Verð: 7.500 kr. - Stangir: 2
23.7.2019
1 stöng á efra svæði eftir hádegi
Verð: 7.500 kr. - Stangir: 1

Ólafsfjarðará
15.8.2019
Neðra svæði fyrir hádegi og efra eftir hádegi
Verð: 11.400 kr. - Stangir: 1
16.8.2019
Neðra svæði fyrir hádegi og efra eftir hádegi
Verð: 11.400 kr. - Stangir: 2
17.8.2019
Efra svæði fyrir hádegi og neðra eftir hádegi
Verð: 12.000 kr. - Stangir: 1

Svarfaðardalsá
23.7.2019
1 stöng í heilan dag
Verð: 7.500 kr. - Stangir: 1
24.7.2019
1 stöng í heilan dag
Verð: 7.500 kr. - Stangir: 2
24.7.2019
1 stöng í heilan dag
Verð: 7.500 kr. - Stangir: 1