Fréttir

25 jún. 2008

Merkilegur lax

Nokkuð merkilegt atvik gerðist við opnun Grímsár í Borgarfirði.

 

Þannig var að á opnunardaginn veiddi leigutaki árinnar, Jón Þór Júlíusson 82 cm lax í Mið-Streng á Francis keilutúbu, þreytti fiskinn,merkti hann og sleppti aftur. Sólarhring síðar er faðir hans, Júlíus Jónsson að kasta í Efsta-Streng þegar vænn lax tekur smáflugu númer fjórtán. Baráttan var hörð og barst niður í Lækjarfoss þar sem að Júlíus landaði laxinum 25 mínútum síðar. Bar hann merki sonarins frá því deginum áður.



Því má segja að í enn eitt skiptið hafi efasemdarraddir þeirra sem telja ógjörning að sleppa nýgengnum laxi hafi verið skotnar í kaf. Jafnframt vekur það upp spurningar hversu mikið er um atvik sem þessi á þeim veiðisvæðum þar sem löxum er gefið líf en mýmörg dæmi eru um það að merktur lax veiðist á nýjan leik. Sér í lagi á þetta við snemma sumars þegar að mikið veiðiálag er á þá laxa sem fyrstir ganga.



Mynd, Jón Þór með laxinn tvítekna.

Tekið af SVFR

BHA

Til baka

Veiðileyfi

Hörgá
Ekkert laust eins og er.

Laxá - Hraun
Ekkert laust eins og er.

Ólafsfjarðará
Ekkert laust eins og er.

Svarfaðardalsá
Ekkert laust eins og er.