Fréttir

21 feb. 2008

Rannsóknir á sjóbirtingi í Grenlæk

Út er komin ný skýrsla Veiðimálastofnunar um fiskrannsóknir í Grenlæk. Þar hefur fiskur verið talinn, með Vaka-teljara, frá árinu 1996. Skýrslan greinir frá niðurstöðum fisktalningar á riðastöðvar og gönguatferli fiska er skoðað m.t.t. umhverfisþátta, tíma dags og árstíða. Mikill breytileiki var í fjölda fiska sem gengu upp fyrir teljarann. Á árunum 1998 - 2006 sýndi talningin að 230 til 1540 sjóbirtingar gengu upp fyrir. Veiði sjóbirtings, ofan teljara, var á sama árabili 116 – 369 fiskar og var aflahlutfallið 15,6% - 58,6% en að meðaltali 34 %.

 

Fyrstu sjóbirtingarnir gengu eftir miðjan júlí en aðalgöngutíminn var í ágúst og fram í miðjan september og var helmingi göngunnar að jafnaði náð 27. ágúst. Göngur jukust í kjölfar rigningar, hækkandi vatnshita og aukningar í rennsli. Mesta gengd sjóbirtinga var við dagsmeðalhita 7,5 til 8,4 °C en mjög lítil gengd við dagsmeðalhita undir 5 °C. Sjóbirtingarnir gengu mest upp síðari hluta dags með hámark milli kl. 16 og 19 og annað hámark um miðnætti. Mjög lítil gengd var upp síðari hluta nætur og fyrri hluta dags. Staðbundnir fiskar (urriði og bleikja) gengu mest upp milli kl. 15 og 19. Dægursveifla í fiskgengd fylgdi sveiflu í vatnshita, sem bendir til þess að vatnshitinn sé ráðandi þáttur um hvenær sólarhringsins fiskur gengur upp um teljara. Í lok skýrslunnar er bent á að með fisktalningu samhliða öðrum lífríkisrannsóknum gæti Grenlækur orðið lykilá til vöktunar á sjóbirtingsstofnum á sama hátt og aðrar ár til vöktunar á laxastofnum.

Í Grenlæk hafa samfelldar fiskrannsóknir staðið yfir síðan árið 1995 en auk starfrækslu teljarans, eru þar árlega gerðar seiðarannsóknir með rafveiðum.

Frétt tekin af vef Veiðimálastofnununar þar sem hægt er að sjá skýrsluna í pdf formi.

ESF

Til baka

Veiðileyfi

Hörgá
20.9.2019
Svæði 1 fyrir hádegi
Verð: 6.000 kr. - Stangir: 2
20.9.2019
Svæði 3 fyrir hádegi
Verð: 6.000 kr. - Stangir: 2
20.9.2019
Svæði 4a fyrir hádegi
Verð: 6.000 kr. - Stangir: 2

Laxá - Hraun
Ekkert laust eins og er.

Ólafsfjarðará
20.9.2019
Efra svæði fyrir hádegi og neðra eftir hádegi
Verð: 7.800 kr. - Stangir: 2
20.9.2019
Neðra svæði fyrir hádegi og efra eftir hádegi
Verð: 7.800 kr. - Stangir: 2

Svarfaðardalsá
20.9.2019
1 stöng í heilan dag
Verð: 7.500 kr. - Stangir: 2
20.9.2019
1 stöng í heilan dag
Verð: 7.500 kr. - Stangir: 2
20.9.2019
1 stöng í heilan dag
Verð: 7.500 kr. - Stangir: 2